Uppskriftir

Kjötlausar kjötbollur Með pasta

Uppskrift

1 msk. ólífuolía
450 - 500 grömm sveppir
Klípa af salti
Klípa af smjöri
125 gr. laukur
4 hvítlauksgeirar
125 gr. hafrar (quick cooking oats)
30 gr. fínrifinn parmesan ostur (og smá auka til skrauts)
125 gr. brauðteningar
60 gr. steinselja (og smá auka til skrauts)
2 egg
1 tsk. salt
svartur pipar (mulinn)
Klípa af rauðum pipar (cayenne)
Klípa af þurrkuðu oregano
700 ml. rauð pastasósa

Leiðbeiningar

Hitið ólífuolíu á pönnu á miðlungs-háum hita. Setjið sveppina á pönnuna og saltið þá. Hrærið á pönnunni uns vökvinn úr sveppunum hefur gufað upp.Bætið smjörklípu á pönnuna, og lækkið niður í miðlungshita. Steikið sveppina áfram uns þeir byrja að brúnast. (u.þ.b. 5 mín)

Bætið nú lauknum á pönnuna og hrærið reglulega, uns laukurinn verður glær, (u.þ.b. 5 mín). Slökkvið nú á hellunni og takið pönnuna af. Bætið hvítlauknum við blönduna og hrærið í u.þ.b. 1 mínútu.

Færið nú blönduna í skál.

Blandið nú höfrunum út í, og hrærið uns blandan verður jöfn og fín. Bætið parmesan ostinum rólega við og hrærið. Setjið nú brauðteningana út í skálina, ásamt steinseljunni og öðru egginu. Kryddið blönduna með salti, svörtum og rauðum (cayenne) pipar, ásamt oregano. Hrærið allt saman með gaffli. Hrærið nú síðara eggið út í blönduna, og þá ætti hún að vera orðin þétt.

Lokið skálinni með plastfilmu og kælið í ísskáp í allavega 4 klukkutíma. Allra best er að hafa hana í ísskápnum yfir nótt.

Hitið ofn í 230 gráður. Setjið ál- eða bökunarpappír á ofnplötu. Mótið deigið í höndunum eða með skeið, svo úr verði litlar bollur og raðið á plötuna.

Bakið í ofni uns bollurnar brúnast - í u.þ.b. 12 til 15 mínútur.

Sjóðið pasta, lækkið svo hitann og bætið sósunni út í. Bætið svo bollunum við gætilega, og látið malla við vægan hita uns bollurnar eru fulleldaðar (45 til 60 mín)

Nú má reiða fram réttinn. Hægt að skreyta herlegheitin með smá parmesan osti og steinselju.

Um uppskriftina

Undirbúningstími: 4,5 klst. (30 mín undirb., 4 klst í ísskáp)
Eldunartími: 1 klst.
Fyrir: 4

Uppruni uppskriftar: Allrecipes.com

Ég eldaðieftir þessari uppskrift

Þessi uppskrift eruppáhalds